Фото: Hatem Moussa / AP
Газа секторында Израиль күштерінің бомбалауынан 1 күнде 49 адам қаза тапты, деп хабарлайды Тodayinfo ақпараттық порталы.
Құрбандардың 18-і балалар мен әйелдер. Тағы 57 палестиналық жараланды.
Әуе соққылары негізінен Нусейр-Ат, Әл-Шати, Әл-Маваси, Бурейдж және Хан-Юнис қаласындағы босқындар лагерлеріне жасалды. Сондай-ақ еврей әскері Иордан өзенінің батыс жағасындағы елдімекендерде тексеріс жүргізіп, 4 тұрғынды өлтірген. Олардың арасында «ХАМАС» тобының бір мүшесі бар.
«2023 жылдың қазанынан бері Израиль шабуылдарынан қаза тапқан палестиналықтар саны 46 мыңға жуықтап қалды. 109 мыңнан астамы зардап шеккен»,-дейді Газаның Денсаулық сақтау министрлігі.
