Шыңжаң-Ұйғыр автономиялық ауданындағы Қарамай қаласында «Мұнайлы қаладағы кездесу» атты іс-шара өтіп жатыр. Әлемнің түрлі елдерінен келген шамамен 100-ге жуық БАҚ өкілдері қаланың әртүрлі нысандарын аралады.
Журналистерге ерекше әсер қалдырған нысандардың қатарында Наньюань тұрғын ауданы мен Қарамайдың Орталық ауруханасы болды.
Наньюань ауданында қонақтар Қарамай қарттарының белсенді өмірін өз көздерімен көрді. Мұнда тұрғындар би, каллиграфия, қағаз қию өнері сияқты үйірмелерге қатысады. Сондай-ақ әлеуметтік қызмет бөлімі бар: ол күтім көрсету қызметтерін ұсынады және жүріп-тұруы шектеулі зейнеткерлерге тамақ жеткізу қызметін ұйымдастырады.
Қарамайдың Орталық ауруханасында журналистерге медициналық қызметтерді цифрландыру бойынша қабылданған шаралар таныстырылды. Қала тұрғындары дәрігерге қабылдауға үйден-ақ онлайн тіркеле алады, сол арқылы кезекте уақыт жоғалтпайды. Талдау нәтижелері мен дәрігер жазып берген рецептілер де интернет арқылы қолжетімді.
Бұған қоса, ауруханада тәулік бойы жұмыс істейтін еріктілер қызметі бар. Олар технологияны пайдалануда қиналатын егде жастағы науқастарға көмектеседі. Осылайша әрбір адам қамқорлық пен назардан тыс қалмайды.
