Фото: istockphoto.com
Әзербайжанның Ярдымлы қаласында 15 жастағы жасөспірім интернеттегі қауіпті ойынның құрбаны болды. Ол ойын тапсырмасын орындау үшін өзін мылтықпен атып өлтірген, деп хабарлайды Тodayinfo ақпараттық порталы.
Трагедияның мән-жайы
Марқұмның туыстары соңғы аптада баланың қатты өзгергенін байқаған. Ол тұйықталып, отбасына агрессивті қарым-қатынас көрсете бастаған. Алайда отбасы бұл мінез-құлықтың қауіпті салдарға апаратынын болжай алмады. Интернеттегі ойын барысында балаға өз өмірін қай күні аяқтау керегі туралы нақты тапсырма берілген. Өкінішке қарай, бұл тапсырманы орындау қайғылы жағдаймен аяқталды.
Зерттеулер көрсеткендей, жыл сайын Ресейде 100-ден астам, ал Түркия мен Грузияда ондаған жасөспірім қауіпті виртуалды ойындардың әсерінен өз-өзіне қол жұмсайды. Бұл ойындарда агрессия, зорлық-зомбылық және өлім тақырыптары насихатталып, балаларға қатты психологиялық қысым түсіреді.
