АҚШ президенті Дональд Трамп Ирандағы үш ірі ядролық нысанға жасалған әуе шабуылынан кейін екі сағат өткен соң халыққа үндеу жолдады. Ол бұл операцияны «ерекше әскери жетістік» деп сипаттады, деп хабарлайды Todayinfo BBC-ге сілтеме жасап.
Трамптың айтуынша, Фордо, Натанз және Исфахан нысандары толықтай жойылған.
«Енді Иран бейбіт келісімге келуі керек. Әйтпесе, мұның арты жпқсы болмайды. Иранда әлі де көп нысан бар, әрі келесі шабуылдар бұдан да жойқын болуы ықтимал», – деді ол үндеуінде.
Трамп сондай-ақ АҚШ пен Израиль әскерилеріне алғысын білдіріп, енді мұндай әрекеттердің қайталанбайтынына үмітті екенін айтты.
«Бүгін біз жасағанды әлемнің ешбір армиясы орындай алмас еді», – деді ол.
Дональд Трамптың үндеуі бірнеше минутқа ғана созылды.
Фото: CNN
