Қытай, Ресей және Италия – Қазақстанның сыртқы саудадағы басты серіктестері саналады. Қазақстан өнімдерін сыртқа сатудан былтыр 81 млрд доллар пайда тапқан, деп хабарлайды Todayinfo агенттігі Сауда және интеграция министрлігінің баспасөз қызметіне сілтеме жасап.

Экспорттан кірген кірістің көбі АҚШ-қа тиесілі.

“2024 жылы Қазақстан сыртқы экономикалық ққарым-қатынасы тұрақты өсуіп, дәстүрлі нарықтардағы позициясын нығайтып, минералды ресурстардың сенімді экспорттаушысы мәртебесін сақтап қалды. Өткен жылдың қорытындысы бойынша Қытай, Ресей және Италия еліміздің ірі сауда серіктестері болды — дәл осы үш мемлекетке экспорттың да, импорттың да негізгі көлемі тиесілі. Қазақстанның экспорттық кірісі 2024 жылы 81 млрд АҚШ доллларынан асты. Бұл соманың жартысынан астамы, яғни 42,9 млрд АҚШ доллары шикі мұнайға тиесілі, бұл бүкіл қазақстандық экспорттың 52,5% құрайды. Сонымен қатар, ел сыртқы нарыққа  уран ( 4,6 млрд АҚШ доллары), мыс және мыс катодтарын (4,1 млрд АҚШ доллары), сондай-ақ мыс кендері мен концентраттарын 3,2 млрдАҚШ доллары) белсенді түрде жеткізді”, – делінген министрлік ақпаратында.

2025 жылы Қытаймен, Ресеймен және Еуропалық Одақ елдерімен стратегиялық әріптестікті дамыту, сондай-ақ Орталық Азия нарықтарындағы позицияларды нығайту басым болып қала бермек.