Сәрсенбі күні таңертең соғыстың бесінші күні басталғанда, Израиль Иранға қарсы шабуылдарын күшейтті. Ал АҚШ президенті Дональд Трамп Тегераннан сөзсіз берілуді талап етіп, аймаққа америкалық ұшақтар мен кемелерді орналастырды.
Қақтығыстың бесінші күніндегі басты оқиғалар қысқаша:
Трамптың АҚШ-тың рөліне қатысты мәлімдемелері
-
Трамп: «АҚШ пен Израиль Иран әуе кеңістігін толық бақылауда ұстап отыр».
-
Ол Ираннан сөзсіз берілуді талап етті.
-
АҚШ Иранның Жоғарғы көшбасшысының қайда жасырынып жүргенін біледі, бірақ әзірге оны өлтіруге ниетті емес екенін айтты.
-
АҚШ азаматтық нысандар мен америкалық әскерлерге зымыран атылғанын қаламайтынын жеткізді.
-
«АҚШ-тың сабыры таусылуға жақын», — деді Трамп.
Израиль шабуылдарын үдетті
-
Израиль Тегерандағы жүздеген мың адам тұратын аудан тұрғындарына эвакуацияға бұйрық берді.
-
Израиль әуе шабуылдары Иран Ислам революциясы сақшылар корпусы (IRGC) байланысы бар Имам Хусейн университеті мен Хожир зымыран зауытына бағытталып, Шығыс Тегеранда алып саңырауқұлақ тәрізді бұлт көтерілді.
-
Исфахан қаласындағы бірнеше зымыран кешені де соққыға ұшырады, деп хабарлады Израиль.
-
Тегеран, Кәраж және Шираз қалаларында жарылыстар мен әуе шабуылынан қорғаныс жүйелерінің іске қосылғаны тіркелді.
-
Израиль Қорғаныс күштері Ирандағы зымыран қондырғыларына жаппай соққы жасау үшін 60 әскери ұшақ жібергенін мәлімдеді.
-
Адам құқықтары жөніндегі HRANA ұйымының дерегінше, Израиль шабуылдарынан Иранда 585 адам қаза тауып, 1326 адам жараланған.
Әскери күштердің жұмылдырылуы
-
BBC дерегінше, сейсенбі күні АҚШ әскери ұшақтары Англиядағы базаcынан ұшып шықты.
-
Reuters: АҚШ Таяу Шығысқа қосымша жойғыш ұшақтар (F-22, F-16, F-35) жіберуде.
-
Иран қарулы күштерінің Бас штабының бастығы Абдолрахим Мусави Израиль Тегеран тұрғындарын көшіруге шақырған соң, Хайфа мен Тель-Авивті де эвакуациялауды талап етті.
-
Иранның Ислам революциясы сақшылар корпусының Әуе-ғарыш күштері Израильдің әскери базаларын нысанаға алды.
Саяси көшбасшылардың реакциясы
-
Франция президенті Эммануэль Макрон Иран үкіметін құлатуға бағытталған әрекеттер аймақты хаосқа ұшырататынын ескертті.
-
Ұлыбритания премьер-министрі Кир Стармер қақтығысты бәсеңдетуге үміт білдірді.
-
Германия канцлері Фридрих Мерц Израильді қолдап, жағдайдың қалай өрбитіні Тегеранға байланысты екенін айтты.
-
Иранның қуғындағы ханзадасы және оппозициялық жетекшісі Реза Пехлеви бүкілхалықтық көтеріліске шақырды.
