Алматылық «Кайрат» футбол клубы УЕФА Чемпиондар лигасының негізгі кезеңіне жолдама алып, кемінде 18,62 млн еуро (шамамен 11,7 млрд теңге) қаржылай сыйақы иеленді. Бұл сома Қазақстандағы көптеген клубтардың жылдық бюджетінен үш есе артық, деп хабарлайды Todayinfo.kz.
УЕФА-ның қаржылай сыйақысы
Лига чемпиондарының топтық кезеңіне шыққан әрбір клубқа 18,62 млн еуро көлемінде сыйақы беріледі. Бұдан бөлек, «Кайрат» матч нәтижесіне қарай қосымша табыс таба алады:
-
жеңіске — 2,1 млн еуро,
-
тең ойынға — 750 мың еуро.
Қазақстандық клубтармен салыстыру
Қазақстандағы еурокубоктарға қатысатын көптеген клубтардың жылдық бюджеті 4 млрд теңгеден аспайды. Осылайша, «Кайрат» тек топтық кезеңге жолдама алу арқылы-ақ олардың үш жылдық бюджетіне жуық қаражат тапты.
«Кайраттың» Еуропаға жолы
Чемпиондар лигасының іріктеу кезеңінде алматылық команда келесі қарсыластарын жеңді:
-
«Олимпия» (Словения) — 3:1,
-
КуПС (Финляндия) — 3:2,
-
«Слован» (Словакия) — 1:1 (пенальти сериясында 4:3),
-
«Селтик» (Шотландия) — 0:0 (пенальти сериясында 3:2).
Бұл жетістік қазақстандық футбол тарихында екінші рет орын алып отыр. Бұған дейін тек «Астана» 2015/16 маусымында Чемпиондар лигасының топтық кезеңіне шыққан еді.
