Фото: Instagram / zarina_altynbayeva
Танымал опера әншісі Зарина Алтынбаева желі парақшасында қазақтың ұлттық киімін киген суреттерін бөлісіп, көпшіліктің ықыласына бөленді, деп хабарлайды Тodayinfo ақпараттық порталы.
Зарина Алтынбаева Instagram желісіндегі парақшасында «Қазақ ұлттық көйлегі» деген жазбамен бірнеше суретін жария еткен. Әншінің сұлулығына тәнті болған желі қолданушылары оған мақтауларын жаудырып жатыр.
«Керемет, әдемі», «Сиқырлы, жүрегі ақ, кең пейіл жан», «Ұлтық киім де, сіз де керемет сұлусыз, қымбатты Зарина», — деп жазған пікір қалдырушылар.
Бұған дейін қазақстандық шоу-бизнес жұлдызы Мөлдір Әуелбекова Наурыз қарсаңында тойланып жатқан «Ұлттық киім» күні қалың көпшілікке қазақи образын паш еткен еді.
Сондай-ақ танымал тележүргізуші Анна Данченко қалың көпшілікке наурыз мерекесін қалай тойлағанын көрсетіп, желіде қазақтың ұлттық киіміндегі суретін бөліскен.
