Алматыда «Қазақстан ғылымы және оқу-ағарту жүйесі: даму жолдары мен болашағы» атты халықаралық ғылыми-тәжірибелік конференциясын өтті, деп хабарлайды Todayinfo агенттігі.
әл-Фараби атындағы Қазақ ұлттық университетінің 90 жылдық мерей тойы аясында академик Т.Т. Тәжібаевтың туғанына 114 жыл толуына арналған маңызды жиынды Педагогика және білім беру менеджменті кафедрасы ұжымының ұйымдастыруымен өтті.
Ғалым Т.Т.Тәжібаевтың өмір жолы Республиканың сыртқы істер министрлігі қызметінде және С.М. Киров атындағы КазГУ-дің ректоры қызметінде де, ғалым және көшбасшы ретінде, жан-жақтан жиналған ізбасарларының ғылыми баяндамаларынан көреміз.
1957-1961 жыл аралығында Т.Т.Тәжібаев Индияның елшісі қызметін атқарады. Сонымен қатар, Азия, Африка және Латын Америкасы елдері жөніндегі комитетті басқарып, Нью-Йорктегі үлкен мінберден төрт рет баяндама жасаған. Т. Тәжібаевтың асқан дарыны мен салиқалы, сарабдал білімін сол кездегі Одақтың Сыртқы істер министрлігі лайықты бағалай білді. БҰҰ -да Советтер Одағы делегация басшысының орынбасары ретінде халықаралық аренаға шығады. Әлем азаматы Т. Тәжібаев хакім Абайдың «Адамзаттың бәрін сүй бауырым» деген қағидасын дүниежүзі халықтарына БҰҰ мінберінен айқын да, нақты фактілермен жеткізе алды.
Халықаралық ғылыми-тәжірибелік конференцияға Алматы қаласындағы Үндістан Елшілігінің Өкілдігі, Екінші хатшысы (Консул) Свапнил Шарад Котхавадэ ғалымға арналған жиында өз жылы лебізін білдірді.
Төлеген Тәжібаевтың шәкірті педагог-ғалым Жолмұхан Түрікпенұлы мен Алмасбек Мауленовтың «Заңғар тұлға — Академик Т.Т.Тәжібаев» атты кітабының тұсаукесерімен жалғасты.
Қайнар Академиясының профессоры, психология ғылымдарының докторы Ахметова Маржан Құбығұлқызы өзінің «Академик Т.Т. Тәжібаев және Қазақстанның қазіргі психологиялық ғылымы» атты монографиясын ғалымдар қауымына табыстады.
Ғалым жолын дәріптеген З.С.Гаипов, Б.Д.Сыдықов, М.Ә.Перленбетов және шетел ғалымдары Б.Х.Болтаева, Е.В.Карпова, Сийка Чавдарова-Костова және т.б. ғалымдардың баяндамаларынан, бүгінгі күні де ғалым еңбектерінің маңыздылығы шыңдала түсетінін айқындап бергендей!
«Қоғам, мемлекет қайраткері, ғалым, профессор, ҚССР ҒА академигі, дипломат Т.Тәжібаевтың өз уақытын басып озған ұшқыр ойшыл. Оның теория мен тәжірибені үнемі біріктіре қарастыруы, кәсіби өсуі, ізденуі баршаға үлгі. Оқу орнының инновациялық қызметіне профессор-оқытушылар құрамының дайындығы мен белсенді қатысуын, ғылыми, білім беру және инновациялық қызметті интеграциялау, білім беру мекемесінің қалыптасқан корпоративтік мәдениеті мен ішкі бәсекелестік ортасын, мемлекеттік, мемлекеттік-қоғамдық басқарудың өзара іс-қимылы негізінде оқу орнын басқарудың қазіргі заманғы міндеттеріне сәйкес келетін ұйымдық құрылымы мен нысандары және өзін-өзі басқару, оқу орнының дамыған инфрақұрылымын, әлемдік ақпараттық ресурстардан білім базасында оның мазмұнын жаңарту, пәнаралық проблемалық және жобалық-бағдарланған білім беру технологияларының негізін салған ғалымның ізгі жолын көреміз!», — деді педагогика ғылымдарының кандидаты Долорес Нұрғалиева.
