Балқашта 8 жастағы баланы аямай ұрып-соғып, қинаған делінген «Қазақмыс» қызметрінің әйелі желіге шығып, оқиғаның қалай болғанын өз тарапынан баяндады, деп хабарлайды Todayinfo.
«Мен Алмас Басымбековтың әйелі, 8 жастағы Ерболаттың апайымын. Ойларыңызды сан-саққа жіьермеу үшін бәрін басынан бастап айтып берейін. Ерболаттың анасы біз сұрамасақ та оны жаз сайын бізге жібереді. Атасын, яғни менің әкемді сылтауратып, мерекелерде де жіберіп отырады. Әкем вахталық әдіспен 15 күн жұмыс істеп, 15 күн демалады. Қызметке кеткен кезде Ерболатты біздің қарауымызға тапсырып кетеді. Өзіміз екі баланы тәрбиелеп отырған отбасымыз, мен де жұбайым да жұмыс істейміз. Күйеуім өз баласына қарағандай қарайды, тамағы тоқ, көйлегі көк. Ол менің туған бауырымның ұлы. Мен оның екінші анасы секілді адаммын», — дейді әйел.
Айтуынша, 8 жастағы Ерболатты анасы нағашы атасының үйіне 5 жыл бойы жіберіп келген. Сол уақыт аралығында оған ешкім тиіспеген.
«Оқиға болған күні мен жұмыста едім. Ал жұбайым 3 балаға: менің жасқа толған ұлым, 4 жасар қызым және Ерболатты қарап, үйде болған. Түскі тамақтарын беріп, кіші ұлымды ұйықтатып, екі баланы шуламасын деп қолдарына планшет беріп, өзі шаруалармен айналысып жүрген. Бір кезде ұл мен қыз отырған бөлменің ашық тұрған есігінен сұмдық көрініске куә болады.
Ерболат қарындасын шешіндіріп, бұтын ашып, өзі іш киімін шешіп, үстінде жатқан. Шошып кеткен күйеуім Ерболатты итеріп жіберіп, қызын тексере бастаған. Қан жоқ па деп қараған. Ол ұлды ұрмай тұрып, «не істедің» деп сұраған, бала «бір рет итердім» деп жауап берген. Одан кейін жұбайым не істеп, не қойғанын білмейді», — деді әйел.
Келіншектің сөзінше, күйеуі бәрін аффектті шок жағдайында істеген. «Қазақмыс» қызметкерінің әйелі 8 жастағы баланың анасының «денесін күйдірді, тиын жұтқызды, саусақтарын сындырды» деген сөздері жалған.
«Қазір сараптаманы күтіп отырмыз, күйеуім жауапкершіліктен қашпайды, ол қазір тергеу изоляторында отыр. Баланың саусақтарын сындырды деген өтірік, мүмкін ұрған кезде зақым келген шығар. Отбасымыздың басынан өткеріп отырған жағдайды, жауыма да тілемеймін. Біз қарапайым ғана отбасымыз. Видеоны таратыңыздар», — деді әйел.
Еске салайық, кеше «Қазақмыс» қызметкері кішкентай ұл баланы ұрып-соғып, қинағаны үшін күдікке ілінген еді.
Баланың анасы Мадина Досымбекова Балқаш қаласындағы «Қазақмыс» компаниясының қызметкері Алмас Басымбековтің ұлының денесін күйдіріп, саусақтарын сындырып, азапқа салғанын мәлімдеген.
