Сиань қаласында ҚР Бас консулдығының қолдауымен Ұлытау облысы мен Шэньси провинциясы арасындағы сауда-экономикалық ынтымақтастық форумы өтті. Жоғары деңгейдегі келіссөздер жүргізу, өзаратүсіністік туралы меморандумдарға қол қою және екі жақтың стратегиялық серіктестігін нығайтуға
Сиань қаласында ҚР Бас консулдығының қолдауымен Ұлытау облысы мен Шэньси провинциясы арасындағы сауда-экономикалық ынтымақтастық форумы өтті.
Жоғары деңгейдегі келіссөздер жүргізу, өзаратүсіністік туралы меморандумдарға қол қою және екі жақтың стратегиялық серіктестігін нығайтуға бағытталған.
Іс-шараға Ұлытау облысының әкімі, мемлекеттік органдар өкілдерінен құралған Ұлытау облысының делегациясы, сондай-ақ қытайлық және қазақстандық компаниялардан 100-ге жуық өкіл қатысты.
Форум аясында Ұлытау облысының инвестициялық әлеуеті, ынтымақтастықтың негізгі бағыттары және өңірдің перспективалы инвестициялық жобалары таныстырылды.
Өнеркәсіпті, тұрғын үй-коммуналдық инфрақұрылымды және агроөнеркәсіптік кешенді дамытуға ерекше назар аударылды.
Сондай-ақ, G2B және B2B форматтарында кездесулер өтті.
Форум қорытындысы бойынша жалпы құны 12.5 миллиард теңгені құрайтын ынтымақтастық туралы 6 меморандумға қол қойылды.
Құжат келесі бағыттар бойынша бірлескен жобаларды іске асыруды көздейді:
Жезқазған, Сәтбаев және Қаражал қалаларындағы тұрғын үйлерді қайта жаңғырту;
металлургиялық шлактарды қайта өңдеу;
сүт-тауар фермасын салу.
Ұлытау облысының әкімі өңірдің жоғары инвестициялық әлеуетін және халықаралық ынтымақтастыққа ашықтығын атап өтті:
«Біз инвесторлар үшін қолайлы жағдай жасауға дайынбыз. Бүгіннің өзінде бірқатар компания Ұлытау облысы аумағында инвестициялық жобаларды іске асыруға дайын» — деді өңір басшысы.
