15 жасар оқушы әжетханада босанып, сәбиін унитазға тастап кеткен

Түркияның Балыкесир қаласында 15 жастағы қыз ғимараттың дәретханасында босанып, сәбиді унитазға тастап кеткен, деп хабарлайды Todayinfo.kz порталы Haberturk.com сайтына сілтеме жасап. Дерек бойынша, оқиға Жер кадастры басқармасының ғимаратында болған. Дәретханадағы сәбиді мекеме қызметкерлері тауып, дереу полицияға хабарлаған. Қыздың жеке басы ғимараттағы бейнебақылау камералары арқылы анықталды. Жасөспірім ғимаратқа әкесі мен әжесімен бірге келген. Сәби олардың қасында болмаған. Жас ананы, оның әкесін және әжесін полиция ұстады. Қазіргі уақытта сәби ауруханада, оған қажетті барлық медициналық көмек көрсетілуде. Бұған дейін Астананың ескі вокзалынан үш жасар баланың қалтасынан жазба табылғаны туралы хабарлаған едік. Кейін бұл оқиға жайлы қосымша мәліметтер пайда болды.