Алматы әуежайында интернет-алаяқтық жасаған шетелдік азамат ұсталды

Алматы қаласының халықаралық әуежайында Түркияның құқық қорғау органдары интернет-алаяқтық ісі бойынша халықаралық іздеу жариялаған шетелдік азамат ұсталды. Бұл туралы ҚР Ішкі істер министрлігі мәлімдеді. Министрліктің хабарлауынша, күдіктіні ІІМ Интерпол Ұлттық Орталық бюросының сұрауы бойынша желілік полиция бөлімінің қызметкерлері қолға түсірген. 2018 жылы күдікті үй жануарларын сату туралы жалған интернет-жарнамалар жариялап, 67 жәбірленушіні алдап кеткен. Осылайша ол азаматтардың ақшасын заңсыз иемденіп, Түркиядан қашып кеткені анықталды. Қазіргі уақытта шетелдік азамат уақытша ұстау изоляторында қамауда отыр. Оның Түркияға экстрадициялануы мәселесі тиісті құқықтық тәртіппен қаралуда.