Алматыда полицейдің өлімімен аяқталған қайғылы оқиғаның видеосы жарияланды. Бұл туралы Todayinfo хабарлайды. Видеоны танымал журналист Гүлмира Әбіқай өз Instagram парақшасында бөліскен. Алматыдағы қанды оқиға Гүлмира Әбіқай өз жазбасында оқиғаның мән-жайын айтып, қаладағы қауіпсі
Алматыда полицейдің өлімімен аяқталған қайғылы оқиғаның видеосы жарияланды. Бұл туралы
Todayinfo хабарлайды.
Видеоны танымал журналист Гүлмира Әбіқай өз
Instagram парақшасында бөліскен.
Алматыдағы қанды оқиға
Гүлмира Әбіқай өз жазбасында оқиғаның мән-жайын айтып, қаладағы қауіпсіздік мәселесіне алаңдаушылық білдірді:
«Сұмдық қой. Алматы ең қауіпті қалаға айналды. Апта сайын жан түршігерлік өлімдер тіркелуде. Басы жоқ әйел сөмкеде, спортшыны атып кетті, енді міне, полиция қызметкерін пышақтап өлтірді.
Күдікті бастапқыда кафеде отырған қызға тиісіп, полицей оны қорғауға тырысыпты. Бірақ санаулы минуттан кейін өзінің өмірімен қоштасатынын білмеді.
View this post on Instagram
A post shared by Гульмира Абыкай (@gulmir_ktk)
Ең қорқыныштысы — бұл қылмысты жасаған Өзбекстан азаматы. Демек, біздің қалада шетелдіктер пышақпен еркін жүре алады, ал өз азаматтарымыз ажал құшады. Бұл қалай болмақ?
Тексере келе, күдіктінің визалық құжаттары дұрыс болмауы да мүмкін деген ойдамын», – деп жазды журналист.
Шетел азаматының қатысы
Бұған дейін шетел азаматының Алматыда полиция қызметкерін пышақтап өлтіргені туралы хабар тараған болатын. Оқиғаның себептері мен нақты жағдайлары құқық қорғау органдарының тексеруінде.
Алматыдағы қауіпсіздікке қатысты сұрақтар
Бұл оқиға қала тұрғындары мен қоғамды қатты алаңдатып отыр. Қоғам белсенділері мен әлеуметтік желі қолданушылары шетел азаматтарының қатысуымен орын алған қылмыстарға назар аударуды талап етуде.
Қорытынды
Оқиғаның толық мән-жайы анықталған соң, жауапты органдар тиісті шаралар қабылдауы тиіс. Алматыдағы қауіпсіздікті арттыру мен шетел азаматтарының визалық бақылауын күшейту қоғам назарындағы басты мәселелердің бірі болып қала береді.
