Мәжіліс депутаты Ардақ Назаров Парламент отырысында анасына 70 жас мерейтойына орай алғыс айтып, құттықтау жолдады. Бұл сәт қоғамда үлкен резонанс тудырып, әлеуметтік желілерде қызу талқылануда, деп хабарлайды Todayinfo.kz ақпарат агенттігі.
Сенат төрағасы Мәулен Әшімбаев бұл мәселеге қатысты пікір білдіріп:
"Маған сенат спикері ретінде көршілес палатамыздағы депутаттардың айтқанын талқылау онша дұрыс емес, сондықтан пікір білдіруден бас тартайын. Ал егер сенаттағы біреу анасын қатты жақсы көрсе, бәлкім, мүмкін шығар, бірақ әзірге ондай жағдай болған жоқ," – деді.
Белгілі журналист Кәмшат Тасболат бұл әрекетті қоғамнан алыстаудың белгісі деп атады:
"Талғарда қыз зорланды, күдікті жазасын алмай бостандықта қалды. Кейін жәбірленушінің 30 жастағы ағасы өлтірілді. 2 жасар сәбиді ұрлап кетті, ал сәби табылғанда оның аузына шұғыл операция қажет болды. Бұл қоғамды дүр сілкіндірді. Ал депутат Назаров не істеді? Құттықтау айтты," – дейді ол.
Кәмшаттың пікірінше, дәл осындай сәтте депутат халықпен бірге болып, қоғамның даусын жеткізуі керек еді.
"Бұл – көңіл айтатын кез, құттықтау айтатын емес," – деді ол.
Фото: instagram.com/ardaknazarov
