Ақмола облысында бұрынғы сыныптасына пышақпен шабуыл жасаған күдікті ұсталды

Ақмола облысында бұрынғы сыныптасына пышақпен шабуыл жасады деген күдікпен жас жігіт ұсталды. Полиция мәліметінше, 24 сәуір күні Макинск қаласындағы медициналық мекемеге 18 жастағы жергілікті тұрғын пышақ жарақаттарымен жеткізілген. Аталған дерек бойынша қылмыстық іс қозғалды. Күдікті ретінде жәбірленушінің бұрынғы сыныптасы анықталып, ол уақытша ұстау изоляторына қамалды. Қазіргі уақытта оқиғаның мән-жайын толық әрі жан-жақты анықтауға бағытталған тергеу амалдары жүргізіліп жатыр. Сондай-ақ, тергеу барысы облыстық полиция департаменті басшылығының бақылауында екені хабарланды. ҚР ҚПК-нің 201-бабына сәйкес өзге ақпарат жария етілмейді. Жергілікті дереккөздердің мәліметінше, оқиға стадионда волейбол ойыны кезінде болған. Бетперде таққан жас жігіт келіп, 11-сынып оқушысының бетіне бұрыш газы сеуіп, кейін оны мойны мен іш тұсынан бірнеше рет пышақтаған. Осыдан соң ол оқиға орнынан кетіп қалған. Фото: полиция