Астанада Қытай елшілігі ұйымдастырған киноқабылдау: елші Хань Чуньлинь екі елдің достығы жайлы айтты

Қытай Халық Республикасының Қазақстандағы Елшілігі қытай халқының жапон басқыншыларына қарсы соғыстағы жеңісі мен дүниежүзілік антифашистік соғыстағы жеңістің 80 жылдығына орай кинокеш ұйымдастырды,  деп хабарлайды Todayinfo. Іс-шара аясында Қытай мен Қазақстанның бірлесіп түсірген «Композитор» көркем фильмі көрсетілді. Киноқабылдауға ҚХР-дың Қазақстандағы Төтенше және Өкілетті Елшісі Хань Чуньлинь қатысып, арнайы сөз сөйледі. Елші екі ел арасындағы тарихи достықты атап өтті Өз сөзінде елші «Композитор» фильмінің мазмұны мен тарихи маңыздылығына тоқталып, Қытай мен Қазақстан халықтарының антифашистік күрес кезеңіндегі достығы мен ынтымақтастығына ерекше назар аударды.

«Қытай мен Қазақстан халықтары Екінші дүниежүзілік соғыс кезінде бірігіп, мәңгілік достықтың негізін қалады. Екі ел де әлемдік прогрессивті күштермен бірлесе отырып, соғыс жеңісінің нәтижелерін қорғауға, БҰҰ-ны ядро ретінде таныған халықаралық жүйені нығайтуға және әділетті жаһандық басқару жүйесін қалыптастыруға ұмтылады», – деді елші.

Кинокөрсетілімнен кейін қонақтармен пікір алмасу өтті Шараға 100-ге жуық адам, оның ішінде Қазақстанның бірнеше жоғары оқу орындарының студенттері мен оқытушылары, бұқаралық ақпарат құралдарының өкілдері қатысты. Фильмнен кейін Қытай елшілігінің жас дипломаттары көрермендермен ашық диалог өткізіп, фильм жайлы пікір алмасты.