Астанадағы сот Instagram әлеуметтік желісі арқылы 2000 долларға жалданып, үй ішінде адамдар болғанына қарамастан, қасақана өрт қоюға әрекет еткен жас жігітке үкім шығарды, деп хабарлайды Todayinfo.
Қала тұрғыны әлеуметтік желіден жұмыс іздеп жүріп, қылмыс жасауға келіскен. Ол алдын ала дайындалған тұтандырғыш құрылғыларды тұрғын үйге лақтырып, адамдардың өміріне нақты қауіп төндірген. Алайда, оған тәуелсіз себептермен қылмыс аяғына жеткізілмеген.
Сот оны бөтен мүлікті жоюға оқталуда кінәлі деп танып, бұрын өтелмеген соттылығын ескере отырып, 3 жыл 6 ай бас бостандығынан айыру жазасын тағайындады.
Қала прокуратурасы әлеуметтік желілер арқылы ұсынылатын күмәнді «жұмыстарға» келісудің қылмыстық жауапкершілікке әкелетінін ескертеді. Мұндай әрекеттер азаматтардың бостандығына ғана емес, айналасындағылардың өмірі мен қауіпсіздігіне де қауіп төндіреді.
