Бағым Мұхитденова марқұм жолдасына арнап жантебірентерлік жазба жариялады

Танымал әнші, продюсер Бағым Мұхитденова жақында ғана өмірден өткен жолдасы Әділжан Юсуповқа арнап, жүрек толқытарлық жазба жариялады,деп хабарлайды Todayinfo ақпараттық агенттігі. Продюсер өзінің Instagram парақшасында былай деп жазды:«Мен болашақта не болатынын білмеймін. Сондықтан да өзгерістерді ұнатпаймын. Бірақ менен ешкім не қалайтынымды сұрамайды. Тек оны қабылдап жатырмын. Ешқандай мүмкіндігім жоқ». Айта кетейік, ақпан айында Бағым Мұхитденованың жолдасы Әділжан Юсупов қайтыс болған еді. Өнер иесі әпкесі Баян Мақсатқызының шоу-мюзиклінде өнер көрсеткеннен кейін, марқұм жұбайына арнап тағы бір жазба қалдырды.

«Сенсіз өткен 40 күн... Әрине, кейінірек таңертең ерте тұрып, жақсы көңіл-күймен, бақытты боламын, күлімдеп, қуанамын! Алла Тағала ғұмыр бергенше өмір сүремін! Мен көктем мен жақсы ауа-райына риза боламын, әртүрлі ұсақ-түйектерге және басқалардың барлығына қуанатын боламын. Бірақ бүгін емес, өйткені бүгін мен сені мәңгілікке шығарып салып жатырмын».

Бағым Мұхитденованың бұл жазбасы көпшіліктің жүрегін елжіретті, желі қолданушылары оған қолдау білдіріп, көңіл айтты.