Белгілі кәсіпкер Тұрсын Алагөзов жуырда өз қызметкерлеріне пәтер сыйлаған болатын. ТикТок желісінің қолданушысы сол пәтерлер туралы видео жариялады, деп хабарлайды Todayinfo.
Видеода көрсетілгендей, пәтерлер Алматы Арена маңындағы жаңа тұрғын үйлерден берілген. Бұл үйлер заманауи стандартқа сай салынған, ішінде барлық қажетті жағдайлар қарастырылған. Бір бөлмелі пәтерлердің аумағы 52 шаршы метрден басталады. Кең әрі ерекше дизайнмен безендірілген бұл пәтерлер ескі үйлердегі 2-3 бөлмелі баспаналармен тең дәрежеде.
Алайда қоғамда «Алагөзов бұл үйлерді сыйлыққа берді ме, әлде белгілі бір шартпен берді ме?» деген сауалдар туындап жатыр. Осыған қатысты пәтер алуы мүмкін қызметкерлердің бірі әлеуметтік желіде: «Алагөзов пәтерді бірден атымызға заңды түрде жазып берді, ешқандай ипотека емес», – деп жазды. Бұл мәліметті басқа қызметкерлердің туыстары мен таныстары да растаған.
Фото: скрин/ @tazhibayev.kz
