Специализированная природоохранная прокуратура Ақмола облысының табиғи ресурстар және табиғат пайдалануды реттеу басқармасының қызметіне талдау жүргізіп, бюджет қаражатын тиімсіз жоспарлау фактілерін анықтады. Сомасы 1,6 млрд теңгеден асады, деп хабарлайды Todayinfo ақпарат агенттігі.
Ақмола облыстық мәслихатының 2025 жылғы 19 қыркүйектегі шешімімен қоршаған ортаны қорғау жөніндегі іс-шаралар жоспары бекітілген. Жалпы сомасы 4,1 млрд теңге, облыстық бюджеттен қаржыландырылады. Алайда прокуратура тексеру барысында жоспарланған қаражаттың бір бөлігі заңнама талаптарына сәйкес келмейтін іс-шараларға бағытталғанын анықтады.
Мысал ретінде 16 жер қойнауын пайдалану объектісін рекультивациялауға арналған жобалық-сметалық құжаттаманы әзірлеуге 55 млн теңге бөлінген. «Жер қойнауы және жер қойнауын пайдалану туралы» кодекске сәйкес, жер қойнауын пайдаланушылар өз қызметінің салдарын өз қаражаты есебінен жоюға міндетті. Прокуратурада бұл міндеттемелерді орындауға міндеттейтін сот шешімдері бар, бірақ басқарма рекультивация шығындарын негізсіз жоспарға енгізген.
Сонымен қатар, тағы төрт іс-шара бойынша ұқсас бұзушылықтар анықталды, олардың сомасы да 1,6 млрд теңгеден асады. Прокуратура облыс әкімдігіне заңдылықты қалпына келтіру және бұзушылықтардың алдын алу үшін прокурорлық қадағалау актісін жіберді.
