Еуроодақ қаржысын жымқырған: Марин Ле Пен 4 жылға сотталды

Фото: Reuters ​Француз соты «Ұлттық бірлестік» партиясының жетекшісі Марин Ле Пенді Еуропалық Одақ қорларын жымқырғаны үшін кінәлі деп тауып, төрт жылға бас бостандығынан айырды, оның екі жылы шартты түрде,деп хабарлайды Todayinfo. Сонымен қатар, оған бес жыл бойы сайлауға қатысуға тыйым салынды, бұл оны 2027 жылғы президенттік сайлауға қатысу мүмкіндігінен айырады. Сот Ле Пен мен оның партиясының басқа мүшелері Еуропалық Парламенттің қаражаттарын партияның пайдасына заңсыз пайдаланғанын анықтады. Ле Пен айыптауларды жоққа шығарып, апелляцияға беруді жоспарлап отыр. ​ Бұл үкім Францияның саяси сахнасында елеулі өзгерістерге алып келуі мүмкін, себебі Ле Пеннің сайлауға қатысуына тыйым салу оның партиясының болашақтағы стратегиясына әсер етеді.