2025 жылы Қазақстаннан шетелге шыққан туристердің саны 417,1 мың адамды құрады. Ең танымал бағыттардың рейтингі өзгерді: Қытай бірінші орынға шықты, деп хабарлайды Todayinfo.
Ranking.kz деректері бойынша, Қытайға барған туристер үлесі 32,9%-ды құраса, Түркия 29,5%-бен екінші орында. Бұл көрсеткіштер 2024 жылмен салыстырғанда айтарлықтай өзгерген: бұған дейін Түркия көшбасшы болған еді.
Қытайға келген қазақстандық туристер саны 137,3 мың адамға жетіп, жылдық өсім 8,7%-ды құрады. Сарапшылар мұны Қазақстан мен Қытай арасындағы туристік алмасу бағдарламаларының нәтижесі деп түсіндіреді.
Сондай-ақ, танымал бағыттар қатарында Египет (43,1 мың адам), Грузия (31,8 мың адам), БАӘ (22,6 мың адам) және Вьетнам (13,5 мың адам) бар. Жалпы, 2025 жылы Қазақстаннан шетелге 11,8 млн адам шыққан, бұл бір жыл бұрынғыдан 1,2%-ға аз.
