Яна Легкодимованы өлтіргені үшін өмір бойына бас бостандығынан айырылған Алтынбек Кәтімов пен Ризуан Хайржанов Атырау тергеу изоляторынан өмір бойына бас бостандығынан айырылғандар колониясына жөнелтілді.
Дереккөздің ақпараты бойынша, жөнелту 19 сәуір таңертең жүзеге асты.
Белгіленген тәртіпке сәйкес, сотталғандарды ауыстыру туралы жөнелтуге бір сағат қалғанда ғана хабарлайды. Оларды басқа сотталғандармен бірге арнайы вагонмен жеткізген.
Бұған дейін жөнелтудің нақты күні жарияланбаған болатын. Үкім шыққаннан кейін сотталғандар тағы бірнеше ай тергеу изоляторында болды. Осы кезеңде қайтыс болған қыздың анасы Галина Легкодимова Қылмыстық-атқару жүйесі комитетіне олардың жазасын өтейтін орынға ауыстыру мерзімдерін түсіндіруді сұрап жүгінген болатын.
Атырау облысы бойынша Қылмыстық-атқару жүйесі департаменті бұған дейін жөнелту Ұлттық ұланның арнайы күзеті бөлінгеннен кейін және заңда белгіленген тәртіппен жүзеге асырылатынын атап өткен болатын.
Енді, дереккөздің мәліметі бойынша, сотталғандар өмір бойына жазасын өтейтін мекемеге жіберілді.
Фото: әлеуметтік желілер
