Оңтүстік Судан астанасы Жуба қаласының маңында Cessna 208 Caravan ұшағы құлап, бортындағы 13 жолаушы мен ұшқыш қаза тапты, деп хабарлайды Todayinfo ақпарат агенттігі.
Елдің азаматтық авиация басқармасы дүйсенбі күні алдын ала мәліметтерге сілтеме жасап, ұшақтың нашар ауа райы мен көрінудің төмендігі салдарынан құлағанын хабарлады. CityLink Aviation компаниясына тиесілі ұшақ Йей қаласынан Жуба халықаралық әуежайына ұшып бара жатып, байланыс үзген.
Борттағылардың ішінде екі Кения азаматы болған, қалғандары Оңтүстік Судан азаматтары. Авиация басқармасы апат орнына ақпарат жинау және жедел қызметтерге көмек көрсету үшін топ жіберген. Жубадан 20 шақырым жердегі апат орнынан түсірілген видеоларда ұшақтың қалдықтары жанғаны көрінеді.
