Президент ЖИ саласындағы ұлттық байқаулар жеңімпаздарына марапаттар табыс етті

Мемлекет басшысы жасанды интеллект саласындағы alem.ai battle ұлттық байқауының және мемлекеттік органдар арасындағы AI Governance Cup байқауының жеңімпаздарын марапаттады. alem.ai battle сайысының төрт номинация бойынша жеңімпаздары деп танылды: – AI Young Talents – SuGuard жобасы, глюкоза деңгейін инвазивті емес анықтау жүйесі; – AI Driving Power – Ustaz AI, мұғалім жұмысын автоматтандыруға арналған шешім; – AI Innovators – Robio, ЖИ негізіндегі диагностикалық қолғап, ісіктерді ерте анықтауға арналған; – Future Builders – NCSPEECH стартапы, ЖИ-модельдерін оқыту үшін сапалы деректерді жинау және қалыптастыру қызметі. Мемлекеттік органдар арасындағы үздік ЖИ шешімдері байқауының финалистері болды: Ішкі істер министрлігі («AI Қауіпсіздік» номинациясы), Бәсекелестікті қорғау және дамыту агенттігі («AI Экономика»), Астана қаласының әкімдігі («AI Әлеуметтік саясат»), Ақмола облысының әкімдігі («AI Өңір»), Қарағанды облысының әкімдігі («AI Азаматтарға қызмет») және «KEGOC» АҚ («AI Квазимемлекеттік сектор»). Фото: Ақорда