Путин мен Си Цзиньпин 3,5 сағат қандай мәселені талқылады

Ресей президенті Владимир Путин мен Қытай Халық Республикасының төрағасы Си Цзиньпин Мәскеуде 3,5 сағатқа созылған келіссөз жүргізіп, бірқатар маңызды келісімдерге қол жеткізді. Екі ел арасында жаһандық стратегиялық тұрақтылық туралы бірлескен мәлімдеме қабылданды,деп хабарлайды Todayinfo ақпараттық агенттігі. Келіссөз барысында Ресей мен Қытай арасындағы ынтымақтастық тарихтағы ең жоғары деңгейге жеткені атап өтілді. Екі ел үшінші тараптардың ықпалынан қорғалған тұрақты сауда жүйесін қалыптастырды. Сауда операцияларының басым бөлігі рубль мен юаньмен жүзеге асырылуда. Кездесуде Қытайдың жетекші автоконцерндерінің Ресей нарығындағы қатысуы кеңейетіні туралы келісілді. Бұл қадам Ресейдегі автосала нарығына жаңа серпін бермек. Тараптар бірлескен киноөндіріс саласында іс-қимыл жоспарына қол қойды. Сонымен қатар, Си Цзиньпиннің бастамасымен Ресей мен Қытайда білім беру жылдарын өткізуге қатысты ұсынысты Мәскеу қолдады.