Қырғызстанның ҰҚК экс-төрағасы Ташиевтің қызметтен кету себебі айтылды

Қырғызстан Мемлекеттік ұлттық қауіпсіздік комитетінің бұрынғы төрағасы Қамшыбек Ташиев мемлекеттік төңкеріс жасамақ болғаны үшін қызметінен босатылды. Бұл туралы Жогорку Кенеш депутаты Эльвира Сурабалдиева мәлімдеді, деп хабарлайды Vesti.kg. Сурабалдиеваның айтуынша, Президент Садыр Жапаров «кеңпейілділік танытып», досына қатысты бұдан да қатаң шаралар қолданбаған. Депутаттың пікірінше, Жапаровқа ескі досының оны биліктен тайдыруға әрекеттенгені моральдық тұрғыдан ауыр соққы болған, бірақ Ташиевтің қызметтен кетуіне дәл осы жағдай негізгі себеп ретінде қарастырылуда. Мемлекеттік төңкеріске дайындық ұзақ уақыт бойы жүргізілгені хабарланды. Қазіргі таңда тергеу амалдары жүріп жатыр, ал оқиғаға қатысы бар бірқатар тұлғалар ұсталған немесе тергеу астында. Бұған дейін Садыр Жапаров пен Қамшыбек Ташиев көп жылдық серіктес әрі жақын достар ретінде танылып келген болатын. Фото: gov.kg