Шерзат Полаттың ісі бойынша сотта анасының көзінше жасалған қатыгездік көрсетілген видео жарияланды

Шерзат Полатты қатыгездікпен өлтіру ісі бойынша сот отырысында қылмыс жасалған түннен алынған видеофрагмент көрсетілді. Бейнежазбада жәбірленуші Шерзаттың анасының көзінше ұрып-соғылған сәті түсірілген,деп хабарлайды Todayinfo ақпараттық агенттігі. Мемлекеттік айыптаушының мәліметінше, видеода бірінші болып Шерзатты Белғожаев тебеді. Оқиға сәтінде жәбірленушінің анасы Бишенбиева оның сол жағында отырған. Видеода айыпталушылардың бірі Ғайыпбаевты сүйреп, оң жаққа алып кеткені де көрінеді. Бейнежазбада Шерзаттың анасы «Қойыңдар!» деп жан даусымен айқайлап жатқан сәті анық естіледі. Бұл көрініс сот залында отырғандардың эмоционалдық күйіне де әсер еткен. Мемлекеттік айыптаушының айтуынша, Шынасыл мен Сәкиев Шерзат Полатқа пышақ жарақатын салған. Бұл оқиға видеоматериал мен тергеу деректері арқылы дәлелденуде.