Шымкент қаласындағы базарлардың бірінде бұрын екі рет сотталған ер адам күзетшіні өлімші етіп соққыға жығып, оның қазасына себеп болды,деп хабарлайды Todayinfo.
Пробациялық бақылаудың әлсіздігі анықталды
Тергеу нәтижесінде қылмыс жасаған азаматтың пробациялық бақылауда болғаны және оған тиісті деңгейде қадағалау жүргізілмегені белгілі болды. Осыған байланысты пробация инспекторы өз қызметтік міндеттерін дұрыс атқармағаны үшін тәртіптік жауапкершілікке тартылды.
Оқиғаның мән-жайы
Қылмыстық істер жөніндегі ауданаралық соттың төрайымы Айнель Орақбаеваның айтуынша, сотталушы оқиға кезінде мас күйінде болған. Ол базар күзетшісінен телефон нөмірін беруін сұрап, бас тартқан кезде оған шабуыл жасап, ауыр дене жарақаттарын салған. Күзетші алған жарақаттарынан көз жұмды.
Сот үкімі
Сот үкіміне сәйкес, айыпталушы кінәлі деп танылып, 10 жылға бас бостандығынан айырылды.
