«Соңғы 10 жылда болмаған көрсеткіш»: Смайылов қызылша ауруы туралы айтты

Елімізде қызылша ауруының таралуы әсіресе балалар арасында жиілеп отыр. Бұл туралы Үкімет басшысы Әлихан Смайылов мәлім етті, деп хабарлайды Todayinfo.kz  Кazinform. –ға сілтеме жасап. «Жұқпалы ауруларды азайту шаралары Үкіметте бірнеше рет қаралды. Кең таралған вирустық инфекциялар бойынша да көрсеткіштер (В вирусты гепатиті, ротавирусты инфекция, дизентерия және т.б.) төмендеді», - деді Әлихан Смайылов Үкімет отырысында. Үкімет басшысы елімізде қызылшаның әдеттен тыс таралуына алаңдатушылық білдірді. «Өткен жылдан бері елімізде қызылшамен ауырғандар саны айтарлықтай өсіп кетті. Ол соңғы 10 жылда болмаған көрсеткішке жетіп отыр . Олардың 80%-ке жуығы – 14 жасқа дейінгі балалар. Ауырғандардың көпшілігі – тиісті екпе алмағандар. Екпе алмаған науқастардың ауруы асқынып кету қаупі жоғары. Мұндай жағдайлар қазірдің өзінде тіркеліп отыр», - дейді ол. фото: ғаламтордан Todayinfo.kz