«Тазару күні»: елде кең ауқымды тазалық акциясы басталады

Экология және табиғи ресурстар министрлігі елімізде 23 наурыз күні «Таза Қазақстан» жалпыұлттық акциясы аясында кең ауқымды экологиялық іс-шара өтетінін хабарлады. Ведомство мәліметінше, барлық өңірлерде Наурызнама шеңберінде «Тазару күніне» орай аумақтарды тазарту жұмыстары ұйымдастырылады. «Тазару күні» – табиғи және қоғамдық кеңістіктерді қоқыстан тазартуға бағытталған қоғамдық бастама. Акция тек тазалық жұмыстарымен шектелмей, қоршаған ортаға жанашырлық пен экологиялық жауапкершілікті арттыруға бағытталған. Іс-шара барысында «Мөлдір бұлақ», «Таза өлке» жобалары, су айдындарын тазалау, сондай-ақ ағаш отырғызу акциялары жоспарланған. Министрлік қазақстандықтарды экологиялық бастамаға белсенді қатысып, қоршаған ортаны қорғауға өз үлесін қосуға шақырды.

 

View this post on Instagram