Трамптың тоқпағы: Венесуэлаға шабуылдаған АҚШ әскері жүздеген адамды өлтірген

Фото: Ашық дереккөзден Венесуэла билігінің дерегінше, АҚШ-тың Николас Мадуроны тұтқындау операциясы кезінде 100 адам қаза тапты, тағы шамамен 100 адам жараланды, деп хабарлайды Todayinfo.kz. Ішкі істер министрі Диосдадо Кабельоның айтуынша, құрбандардың арасында үйлерінде ұйықтап жатқан бейбіт тұрғындар да бар. Бұл мәліметтер тәуелсіз дереккөздермен расталмаған. Кабельоның сөзінше, Мадуро аяғынан жарақат алған, ал жұбайы Силия Флорес басынан соққы алып, дене жарақатын алған. Қазір екеуі де емделіп жатыр. Каракас билігі 24 венесуэлалық сарбаздың қаза тапқанын хабарлады. Куба билігі Мадуроның жеке қауіпсіздігін қамтамасыз еткен 32 қауіпсіздік қызметкерінің қаза болғанын мәлімдеді. АҚШ әкімшілігі ресми дерек жарияламады, ал америкалық БАҚ шамамен 75 құрбан туралы жазды.