АҚШ президенті Дональд Трамп Иранның Таяу Шығыстағы қақтығысты реттеуге қатысты жаңа ұсынысын қабылдамады, деп хабарлайды Todayinfo ақпарат агенттігі.
«Мен Иранның жаңа ұсынысын қарастырдым, ол мен үшін қабылданбайды», — деді ол израильдік Kan News телеарнасына берген сұхбатында.
Бұған дейін Тегеран Вашингтонға Пәкістан арқылы 14 тармақтан тұратын жоспарды жолдаған болатын. Бұл құжат АҚШ-тың ұсынысына жауап ретінде жасалған.
Иран БАҚ-тарының хабарлауынша, АҚШ өз ұсынысында екі айлық атысты тоқтатуды сұраған, бірақ Иран қақтығысты 30 күн ішінде шешуді және соғысты толығымен аяқтауды талап етіп отыр.
Тегеран өз жоспарында шабуыл жасамау кепілдігін, әскерлерді шығаруды, блокаданы алып тастауды, активтерді бұғаттан шығаруды және санкцияларды жоюды талап етті. Сондай-ақ, келтірілген шығын үшін өтемақы төлеу, Ливанға жасалған Израиль шабуылдарын қоса алғанда, аймақтағы әскери іс-қимылдарды тоқтату және Ормуз бұғазының жаңа жұмыс тәртібі туралы айтылған.
Иран уранды байытуды 15 жылға дейін тоқтата тұруға дайын, бірақ өзінің ядролық нысандарын жоюға келіспейді. Бұл туралы Al Jazeera телеарнасы дереккөздерге сілтеме жасап хабарлады.
АҚШ пен Израиль 28 ақпанда Ирандағы нысандарға соққы берген болатын. Агрессия салдарынан 3 мыңнан астам адам қаза тапты. 8 сәуірде тараптар екі апталық бітім жариялады. Исламабадтағы келіссөздер нәтиже бермеді. Жаңа әскери іс-қимылдар туралы хабарламалар болған жоқ, алайда АҚШ Иран порттарына блокада енгізді.
