Астанада Astana Smart City іске қосылды: Тоқаевқа қаланы басқарудың AI-платформасы таныстырылды

Президент Қасым-Жомарт Тоқаев Alem.ai Халықаралық жасанды интеллект орталығына барды.

Орталық ғылыми зерттеулер, білім беру бағдарламалары, стартап бастамалар және жасанды интеллект саласындағы қолданбалы шешімдерді жүзеге асыру үшін мүмкіндіктер береді.

Іске асырылып жатқан жобалар ЖИ технологияларын мемлекеттік секторға, бизнеске және күнделікті өмірге енгізуге бағытталған.

Жалпы, Орталықтың қызметі Мемлекет басшысының технологиялық, заманауи және бәсекеге қабілетті Қазақстанды құру жөніндегі стратегиялық бағытын іске асыруға ықпал етуге арналған.

Мемлекет басшысының Alem.ai жасанды интеллект орталығына баруы аясында Astana Smart City жобасы іске қосылды.

Бұл жаңа буындағы интеллектуалды қалалық инфрақұрылымды құрудың негізгі бастамасы.

Презентация барысында Presight компаниясының бас директоры Томас Прамотедхам нақты уақыт режимінде қаланың деректері мен жүйелерін біріктіретін бірыңғай AI-платформаны, сондай-ақ оларды басқару тиімділігін арттыру үшін практикалық қолдану мүмкіндіктерін көрсетті.

Фото: Ақорда