Қостанай облысында Рудный қаласының криминалдық полициясының үш қызметкері ұсталды. Бұл туралы «ТоболИнфо» хабарлайды.
Басылымның мәліметінше, бұл фактіні облыстық полиция департаменті растады. Ұстау 2026 жылғы 17 наурызда сотқа дейінгі тергеп-тексеру аясында жүргізілді.
Операцияны ҰҚК департаментінің сыбайлас жемқорлыққа қарсы қызметі облыстық полиция департаментінің өзіндік қауіпсіздік басқармасымен бірлесіп жүргізді. Полицейлер ҚР ҚК 366-бабының 3-бөлігі бойынша қозғалған іс бойынша өтіп жатыр.
Қостанайдың мамандандырылған тергеу сотының санкциясымен күдіктілер қамауға алынды.
Бұл бап ауырлататын мән-жайларда, оның ішінде бопсалау және сөз байласу арқылы пара алу үшін жауапкершілікті көздейді. Жазасы – ірі айыппұл немесе мүлкі тәркіленіп, белгілі бір лауазымдарды өмір бойы атқаруға тыйым салына отырып, 7 жылдан 12 жылға дейін бас бостандығынан айыру.
Фото: gov.kz
