Синоптиктер 28-30 сәуір аралығындағы ауа райы болжамын жариялады, деп хабарлайды Todayinfo ақпарат агенттігі.
Республиканың басым бөлігінде ауа райы тұрақсыз болады: найзағайлы жаңбыр күтіледі. Оңтүстік-шығыстағы таулы аймақтарда түнде жаңбыр мен қар аралас жауын-шашын болжанады.
«Кейбір аудандарда бұршақ және қатты жел соғуы мүмкін, түнде және таңертең тұман түседі. Солтүстік және орталық облыстарда бүкіл кезең бойы ашық ауа райы сақталады. Оңтүстік облыстарда 28-29 сәуірде, шығыс облыстарда 29-30 сәуірде жауын-шашынсыз болады. Оңтүстік-батыс пен оңтүстікте шаңды дауыл күтіледі», – делінген хабарламада.
Синоптиктердің мәліметінше, батыста, солтүстік-батыста, солтүстікте, шығыста, 28-29 сәуірде орталықта түнде 3°C-қа дейін аяз болады. Күндіз ауа температурасы біртіндеп жылынады: батыста +15+20°C, солтүстік-батыста +17+25°C, солтүстікте +21+26°C, орталықта +21+30°C, шығыста +19+27°C, оңтүстікте +25+34°C, оңтүстік-шығыста +22+27°C.
