Қостанай облысында 56 жастағы ер адам жүйеге деректерді енгізу кезіндегі қателіктен «қайтыс болған» болып шықты, деп хабарлайды Todayinfo.kz «ТоболИнфо» АА-ға сілтеме жасап.
Басылымның мәліметінше, өңір тұрғыны Владимир Шремф Әулиекөл аудандық ауруханасының емханасына 30 наурызда қайтыс болған анасының өлім туралы анықтамасын тапсыру үшін жүгінген. Алайда медициналық мекеме қызметкері қателесіп, өтініш берушінің деректерін базаға енгізген.
Өлі ретінде тіркелгенін ер адам тек 2 сәуірде – ЭЦҚ және ЖСН пайдалану кезінде қиындықтарға тап болғаннан кейін білген.
Шремф қателік туралы дереу емханаға хабарлаған, алайда «ТоболИнфо» АА-ның нақтылауынша, денсаулық сақтау басқармасына өтініш бірнеше күннен кейін – 6 сәуірде ғана жіберілген.
Қате жазбаға байланысты ер адам уақытша құжаттарды пайдалану, көлік жүргізу және еңбек қызметін жүргізу мүмкіндігінен айырылған.
Өз құқықтарын қалпына келтіру үшін ол адвокат Ділмұрат Сәрсеновке жүгінген, ол тіркеуші органдарға қате жазбаны жою туралы шағым жолдаған.
Тоғыз күннен кейін деректер түзетілген, құжаттарды қайта ресімдеу қажет болмаған.
«ТоболИнфо» АА-ның мәліметінше, зардап шеккен адам медициналық мекемеге моральдық зиянды өтеу туралы талаппен сотқа жүгінуді жоспарлап отыр.
Фото: tobolinfo.kz
