Қазақстанда 2024 жылғы көлік салығын төлеу мерзімі – 2025 жылдың 1 сәуіріне дейін. Бұл туралы Todayinfo ақпарат агенттігі хабарлайды.
Салық сомасы 2024 жылы қолданылған айлық есептік көрсеткішке (АЕК) негізделеді. 2024 жылы АЕК 3692 теңгені құрады.
Көлік салығы қалай есептеледі?
Қазақстан Республикасы Салық кодексінің 492-бабына сәйкес, көлік салығының мөлшері көлік қозғалтқышының көлеміне және көліктің Қазақстанда алғаш рет тіркелген уақытына байланысты.
1. Қозғалтқыш көлемі 3000 см³-ге дейінгі жеңіл көліктер
Бұл санаттағы көліктер үшін салық тек АЕК мөлшеріне байланысты есептеледі:
- 1-ден 9 АЕК-ке дейін (2024 жыл үшін 3692 – 33 228 теңге).
2. 2014 жылға дейін әкелінген көліктер
- 3000-4000 см³ қозғалтқышы бар көліктер – 15 АЕК (2024 жылы 55 380 теңге).
- 4000 см³-ден жоғары қозғалтқышы бар көліктер – 117 АЕК (2024 жылы 431 964 теңге).
- Тіркеу күні – көліктің Қазақстанда алғаш мемлекеттік тіркеуден өткен күні есептеледі.
3. 2014 жылдан кейін әкелінген көліктер
Бұл санаттағы көліктер үшін салық мөлшері жоғары:
- 35-тен 200 АЕК-ке дейін (2024 жылы 129 220 – 738 400 теңге).
Көлік салығын қалай төлеуге болады?
Салықты төлеудің бірнеше жолы бар:
- Egov.kz порталы (Налоги и финансы бөлімінде);
- Қазпошта бөлімшелері немесе post.kz сайты («Төлемдер» → «Салық төлеу»);
- Мобильді банк қосымшалары (Kaspi, Halyk, Jusan және т.б.);
- e-Salyq Azamat қосымшасы.
Сондай-ақ, салық сомасын онлайн есептеу үшін Мемлекеттік кірістер комитетінің сайтындағы калькуляторды немесе e-Salyq Azamat қосымшасын пайдалануға болады.
Егер салық уақытында төленбесе?
- 1 сәуірден кейін әр күн үшін өсімпұл қосылады.
- Қарыз туралы хабарлама жіберіліп, оны өтеуге 30 жұмыс күні беріледі.
- Егер қарыз 1 АЕК-тен асса, сот орындаушылары шара қолданады:
- банк шоттары мен мүлкіне тыйым салу;
- қарызы 40 АЕК-тен асқан жағдайда шетелге шығу шектеуі;
- қарыз сомасының 25%-ын сот орындаушыларына төлеу қажеттігі.
Қай көліктерге салық төлеудің қажеті жоқ?
Келесі көлік түрлері салық төлеуден босатылады:
✅ Карьерлік жүк көліктері (40 тонна және одан жоғары жүк көтергіштігі бар);
✅ Медициналық арнайы көліктер;
✅ Қазақстанның халықаралық кеме тізіміне енгізілген теңіз кемелері;
✅ Жылжымайтын мүлік салығына жататын арнайы көліктер.
2026 жылы көлік салығы қалай өзгереді?
2025 жылғы салық сомасы 3932 теңге АЕК-ке негізделеді. Сонымен қатар, жаңа Салық кодексі жобасында ескі көліктер үшін салық мөлшерін төмендету қарастырылған:
🚗 10 жылдан асқан көліктерге – 30% жеңілдік
🚗 20 жылдан асқан көліктерге – 50% жеңілдік
Алайда, бұл жеңілдік заңды түрде бекітілгеннен кейін ғана күшіне енеді.
