9 қаңтар күні сағат 11:00 шамасында Атырау қаласының Алмагүл ықшамауданындағы көпқабатты үйлердің алдынан суицид жасаған әйел адамның мүрдесі табылды, деп хабарлайды Тodayinfo ақпараттық порталы.
Алдын ала ақпарат бойынша 45 жастағы әйел адам сегізінші қабаттан секіріп, сол жерде жан тапсырған. Қазіргі кезде оқиға орнында жедел жәрдем мен полицейлер жұмыс істеп жатыр.
Полиция көпқабатты үйдің терезесінен 1979 ж.т. әйел адамның құлағанын растады. Оның өліміне қатысты ҚР Қылмыстық кодексінің 105-бабымен қылмыстық іс тіркелді. Оқиғаның мән-жәйі тексеріліп, кешенді тергеу амалдары жүргізілуде.
