Емханаға түскен жапондық 70 жастағы азамат өзін қылмыскер Сатоши Киришима деп таныстырды. Ер адам асқазан қатерлі ісігінің соңғы сатысына шалдыққан және ол өмірін өз атымен аяқтағысы келетінін айтқан.
NHK арнасының хабарлауынша, Киришима радикалды солшыл «Шығыс Азия қарулы антижапондық майданы» ұйымы жасаған терактілерге қатысқаны үшін 50 жыл бойы іздестіріліп келген. Ол 1975 жылы сәуірде Токионың орталығындағы Кореяның индустриялық-экономикалық институтына бомба қойып, жарылыс жасады деген күдікке ілінді.
NHK арнасының хабарлауынша, Киришима бүгін таңертең қайтыс болған. Полиция оның шынымен Сатоши Киришима болу ықтималдығы жоғары деп санайды. Құқық қорғау органдары қазір оның жеке басын растау үшін ДНҚ сараптамасын жүргізіп жатыр.
