Желіде әнші Бейбіт Сейдуалиеваның әлемдік алтын дауыс иесі, атақты Уитни Хьюстонның әнін тамылжыта орындаған видеосы тарады, деп хабарлайды Todayinfo.kz ақпарат агенттігі.
Бейнежазбаны желіге қоғам белсендісі Өмір Шыныбекұлы таратты
«Мынау әнші қыздың талантын күйеуі тұмшалап тастаған екен-ау…
Обал-дағы-ай. Марқұм Уитни Хьюстонның өзін тыңдағандай болдым ғой…Тек ЖИ демеңдер..
ЖИ дегенді ешкім естімеген кезде түсірілген видео екені көрініп тұр.. «, — деп жазды ол.
Желі қолданушылары да өнер иесінің дауысына таңданысын жасырмады.
«Бейбіт қой. Онда потенциал болды ғой сондай», «“Әйел еркектен бір саты төмен тұру керек”, “Алтын басты әйелден бақа басты еркек артық”, “Жақсы әйел жаман еркекті хан қылады”…. тағы не бар еді.
Таланты мен дарынын, қарым-қабілетін отағасы мен отбасына құрбан еткен көп келіншекті танимын. Бала-шағасы өсіп, өзінің потенциалын кәдеге асырғысы келгенде “құтырған қатын” атанып шыға келді», «Бейбіт мықты әнші.
Есесіне кәзір бақытты ана, бақытты жар, үлгілі отбасы. Көз тимесін», деп жазды көпшілік.
