Фото: коллаж: Тurkystan.kz
Толық нұсқасына гиперсілтеме беруді ұмытпаңыз: https://turkystan.kz/article/250514-zhakynda-aitylady-indira-elemes-arman-duisenovtin-ulynyn-kazasy-zhaily-pikir-bildirdi
Продюсер Арман Дүйсеновпен соңғы рет жүздескен әнші Индирa Елемес марқұм туралы бұрын “Шешімі бар” бағдарламасында айтқан естеліктерін бөліскен еді, деп хабарлайды Todayinfo.kz.
Әншінің айтуынша, Арман Дүйсенов өмірден өткеннің алдындағы күні екеуі ұзақ әңгімелескен.
– Арман аға сейсенбі күні дүниеден озды. Ал біз дүйсенбі кешкісін бетпе-бет сөйлесіп, біраз сырластық. Өте қуанышты, көңілді болды. Бейсенбі күні Стамбұлға жұмыс бойынша әрі денсаулығын тексертуге ұшамын деп отырған, – деді Индира.
Оның сөзінше, Жаңа жылды Арман аға толықтай отбасымен өткізген.
– “Бұл Жаңа жыл – өмірімдегі ең бақытты сәттердің бірі болды. Абзалтайымның еркелегенін көрсең ғой. Мен өзімді жеңімпаз сезіндім. Балам Абылайды дұрыс тәрбиеледім, ол менің орнымды басуға дайын” деп ерекше көңілмен айтты, – деп еске алды әнші.
Сондай-ақ Индираның айтуынша, продюсер соңғы бірнеше айда ауыр күйзелістен өткен. Соған қарамастан, шығармашылық жоспарлары өте көп болған.
– Біз талай әнге түсірілім жасауды жоспарлап жүргенбіз. Арман аға 22 наурызда Стамбұлда үлкен концерт ұйымдастыру керек еді. Бірақ соңғы уақытта ол кісі достық туралы көп ән жазды. Бір реніш болғанын сезетінмін. Оның ең жақын сырласы – менің жұбайым еді. Сағаттап кабинетте сөйлесетін, – деді ол.
