Әнші Димаш Құдайберген Қазақстанның болашағы мен қазақ тілі туралы айтты, деп хабарлайды Todayinfo.
Димаш Құдайбергеннің Лондондағы алғашқы фан-кездесуінде Кәусар Қараман есімді әншінің кішкентай жанкүйері оған Қазақстанның болашағы мен қазақ тілі туралы не ойлайтыны туралы сұрақ қойған.
– «Өткенге өкпе жоқ» дейді, келерге үмітпен, нық қадаммен, сіз және біз болып әрекет етуіміз керек. Еліміздің болашағы, еліміздің алдағы уақыттағы амандығы біздің қолымызда. Көпке күе жаққым келмейді, бірақ қазақ баласы есебінде өзімнің замандастарымның, қандастарымның, өзімнің отандастарымның қазақша судай сайрап тұрғанына куә болғым келеді, — деді Димаш.
Димаш сондай-ақ жалғыз қалғанда не туралы көбірек ойлайтынын да айтқан.
– Өмірді, жұмысты ойлаймын. Отбасы, достарыммен қарым-қатынас туралы ойлаймын. Ешқандай ерекше ештеңе жоқ… Өткен өмірім, болашағым жайлы ойлаймын, – деді ол.
Димаштың концертенен кейин көптеген жанкүйерлер қазақ тілін үйренуге қызығушылық танытқан.
