Мәжіліс депутаты Магеррам Магеррамов Қазақстанда жыныс ауыстыру операцияларын заңмен шектеуді ұсынды. Ол бұл әрекетті дәстүрлі құндылықтарға қайшы деп санайды,деп хабарлайды Todayinfo ақпарат агенттігі.
Депутаттың айтуынша, «Халық денсаулығы және денсаулық сақтау жүйесі туралы» кодекске сәйкес, жынысын ауыстыруға 21 жасқа толған, психикалық және мінез-құлықтық бұзылыстары жоқ, әрекетке қабілетті тұлғалар өтініш бере алады.
Осыған байланысты депутат үкіметке бірнеше сұрақ жолдады:
🔹 Қазақстанда қанша жыныс ауыстыру операциясы жасалды?
🔹 Қанша өтініш қабылданды?
🔹 Психикалық немесе мінез-құлықтық бұзылыстар хирургиялық жолмен емделе ме?
🔹 Операциядан кейін бастапқы жынысына қайта оралған жағдайлар болды ма?
Магеррамов жыныс ауыстыру операцияларының медициналық қағидаларға және ұлттық денсаулыққа қайшы келетінін алға тартты.
Бұл ұсыныс қоғамда қызу пікірталас туғызды. Бір тарап дәстүрлі құндылықтарды сақтау қажеттігін қолдаса, екіншілері адамның жеке таңдау жасау құқығын қорғау керектігін алға тартуда.
Қазіргі уақытта Қазақстанда жыныс ауыстыру операциялары заңды түрде жүргізіледі, бірақ бұл мәселе қоғамда әлі де талқыланып жатыр.
