Белгілі заңгер ашына болған депутатты да, оған бала таптырған мәжілісменді де орындарынан босатуды талап етті. Айгүл Орынбек Түркістан облыстық мәслихат төрағасы Нұралы Әбішовке талап қойды, деп хабарлайды Todayinfo агенттігі.
Оның сөзінше билікте адасып жүрген депутаттар бар. Олар халықтың қалаулысы болуға лайықты емес.
«Депутаттарыңыздың ішінде “өз әлемінде адасып жүрген” бір тұлға бар екен — аты Нұрайым Шақимерген. Әлеуметтік желіде өз баласынан бастартқан әке жайлы “бәрің келіңдер, сұқбат берем!” деп бүкіл БАҚ өкілдерін ашық шақырды. Үш-ақ сағаттан кейін “менің әлемім”, “менің жеке шекарам” деп өз әлеміне кіріп кетіпті!
Қызық қой — үш сағатта “әлем” ауыстырып үлгеретін депутатты бірінші рет көруім!», — деп жазды заңгер.
БАҚ өкілдері оның “жеке шекарасына” кіріп бармақшы болмаған. Тек депутат өзі араша сұрап, кейін сөзінен тайқып шыққан. Бұдан соң бірден журналистерді қорқытып-үркітуге көшкен.
«Бірақ өзі жар салған үндеуге жауап беру – қоғамның құқығы. Сұрайын дегенім, осындай эмоциясын басқара алмайтын, сөзі мен ісі қабыспайтын, тұрақсыз адам Түркістан облысында қалай депутат болып отыр? Мандатын тапсырып, “өз әлемінде” тыныш өмір сүрсін!
Одан қалса, жұртты ҚК 147-бабымен қорқытпас бұрын, сол баптың қай кезде, қалай қолданылатынын ашып оқып алсын.
Өзінің суреттерін әлеуметтік желіге мақтанып, фильтрмен безендіріп салып жүрген адамға “жеке шекарамды бұздыңдар” деу –
қоғаммен емес, айнамен соғысып жүргеннің белгісі ғой!», — деп жазды заңгер.Әлеуметтік желі – жеке кеңістік емес, ол жария алаң!
Суретіңді, сөзіңді өзің салып, өзің жариялап отырсаң, оған журналистің де, қоғамның да сұрағы – заңды!«Мәжілестен байын , мәслихаттан қатынын босатыңдар! Өз жеке әлемдерінде жүрсін!
Біздің елде бұданда актуальді мәселелер жетеді!», — деп талап қойды Айгүл Орынбек.
