Маңғыстаулық танымал блогер Салтанат Аманқосованың екінші рет тұрмысқа шығуы әлеуметтік желіде қызу талқыланып жатыр. Ол өз парақшасында ұлттық салт-дәстүрлерге сай өткізілген рәсімдер туралы бөлісті, деп хабарлайды Todayinfo.
Блогер өзінің парақшасында екінші рет тұрмыс құрған әйелдің беті ашылмайтынын, бұл – қазақтың көнеден келе жатқан салты екенін атап өтті.
«Қазақтың салт-дәстүрі бойынша, екінші рет тұрмысқа шыққан әйелдің беті ашылмайды. Ақ орамалды анасы үйден шығарда иығына жабады. Кейін ол келін болып түскен шаңырағында ауыстырылады. Бұл — орамал ауыстыру дәстүрі. Орамал ауысқан соң, келін шай рәсімі өткізіледі», — деп жазды Салтанат Аманқосова.
Бұл мәлімет көпшілікке тың жаңалық болды. Көптеген желі қолданушылары мұндай салтты алғаш рет естігенін жазса, кейбірі екінші мәрте тұрмысқа шыққан әйелдердің де беташары жасалатынын алға тартты.
Салтанат Аманқосова жаңа отбасына енгенде сырға салу салты да орындалғанын жазды.
«Енем менің құлағыма арнайы бриллиант сырға мен сақина тақты. Ол: ‘Өзіме жақын болсын деп, сырға салуды өзім жасағым келді’ деп ниетін білдірді», — деді блогер.
Бұл жағдай желі қолданушылары арасында қызу пікірталас тудырып, дәстүрге жаңаша көзқарас қалыптастыру қажеттілігі туралы ой қозғады.
Посмотреть эту публикацию в Instagram
