Фото: instagram.com/zhunusova.makpal
ҚР Халық әртісі Мақпал Жүнісова қызы Мерейдің қазақ тілінен бөлек, орысша жиі сөйлейтінін растады, деп хабарлайды Тodayinfo ақпараттық порталы.
Әншінің айтуынша, қызы қазақтар аз жұмыс істейтін компанияда қызмет атқарады, сондықтан орыс және ағылшын тілдерінде жиі сөйлесуге мәжбүр.
«Жұмысында қазақтар аз. Көбінде орысша мен ағылшынша сөйлеседі. Үйде ғана қазақша сөйлесеміз. Қыз түгілі, менің өзім де кейде орысша сөйлеп кетемін. Ауру қалса да, әдет қалмайды. Ең бастысы – 99% қазақша сөйлейміз», – деді Жүнісова.
Сонымен қатар, Мақпал Жүнісова қызының ән айтуды тек хобби ретінде қабылдайтынын және сахнаға шығуға құлқы жоқ екенін айтты.
«Мерейдің ән айту – жай ғана хоббиі. Сахнаға шыққысы келмейді. «Мама, сіз сияқты ұшып-қонып жүре алмаймын. Жол жүруден шаршаймын. Әнші болмаймын» деді. Қазір бір компанияда ағылшын тілінен аудармашы болып жұмыс істейді. Сырттай оқуын жалғастырып жатыр», – деп бөлісті халық әртісі.
