Алматыда қытай кәсіпкерлерінің жәрмеңкесі өтті. ҚХР-ның инвесторлары Алматы мен еліміздің өзгеде өңірлерінің нарығын зерттеп жүр, деп хабарлайды Todayinfo агенттігі.
Олар Алматы секілді ірі қалаларда зауыт, өндіріс орындарын ашу үшін елімізге серіктестерді де іздей келіпті. Пекин мен Шыңжаң өлкесінен 20-дан астам қытай компаниялары мен 40-қа жуық кәсіпкерлердің қатысуымен бизнес форум, тауарлар жәрмеңкесі өтті. Бизнес форумға қытайлық кәсіпкерлермен қатар отандық тауар өндірушілер де қатысты. Өнім көлемі мен сұраныс жоғары болса Қазақстанда зауыт ашуға дайынбыз дейді қытайлық инвесторлар. Айтуларынша екі ел басшыларының өзара достық қатынастары мәдени тұрғыдан ғана емес, кәсіпкерлерге де мол мүмкіндіктер беріп жатыр. Екі ел арасындағы визалық режім күшіне енгелі кәсіпкерлік саласында да өзара байланыстар күшейген.
«Біз құрылыс, ойыншық жасау, жол төсенішктері, спорт алаңдары, үй жабдығына қажетті көптеген тауар өнімдерін алып келдік. Мақсатымыз осындағы кәсіпкерлерге, нарыққа таныстыру. Бізде шығаратын тауарлар саны өте көп. Бұған дейін бір рет Қазақстанға келгем. Осы жолы екінші рет келіп тұрмын. Алдағы уақытта тағыда форумдар өткіземіз деген жоспарымыз бар. Егер өнім көлемі, сұраныс жоғары болса инвестиция құю жағын да қарастырамыз. Екі ел басшыларының өзара жақсы байланысы халықтар достығының нығаюуына оң әскер етіп, жақсы мүмкіндіктер беріп жатыр», — деді форумды ұйымдастырушылардың бірі, кәсіпкер Жын Чин Вэй.
Форумда Қытай халық республикасының кәсіпкерлері өздері өндіретін тауарларын да көпшілікке ұсынды. Қытай инвесторлары Орталық Азияға да шығуға ынталы. Олар Орта Азияның Өзбекстан, Қырғызстан, Тәжікстан секілді өзгеде мемлекеттердің нарғына шығуға Қазақстан өте қолайлы деп санайды. «Бір белдеу, бір жол» жобасын алғаш қолдаған да Қазақстан екенін қытайлық кәсіпкерлер жақсы білетіндерін айтып отыр. Форумды ұйымдастырушылардың бірі «Жебеу» қоғамдық ұйымы болса елге шетелдік инвесторларды барынша көбірек тартамыз деп отыр.
«Қытай елі Қазақстанды сенімді серіктес ретінде санайды. Қос мемлекеттің бизнестік бағыттағы бастамалары жылдан жылға артып келеді.Бүгін біз өзіміздің сапалы өнімдерімізді және маңызды жобаларымызды Қазақстандық бизнес өкілдеріне таныстырдық», -деді форумды ұйымдастыршулырадың бірі Джау Щиян Уан.
«Бір белдеу, бір жол» жобасының теңдессіз әрі ауқымды халықаралық ынтымақтастық үшін пәрменді платформаға айналды. Жобаға қатысушы мемлекеттердің бастамалары арқасында Азия, Еуропа және Африканың 150-ден астам елі тарам-тарам теміржолдар желісі, жоғары жылдамдықты күре жолдар және теңіз жолдары арқылы байланыс жасап отыр. Айтулы жобаның Қазақстанға берері мол, тиімді тұстары да жетерлік. Мәселен Қытай халық Республикасымен өзара тұрақты сауда-саттықты дамытып қана қоймай, елімізге ірі көлемде инвестиция тартуға мүмкіндік мол. Қытайдың ірі компания өкілдері Алматыда бас қосты. Онда Қазақстандық бизнес өкілдерімен бірлесіп, маңызды жобаларды жүзеге асыру тетіктерін талқылады.
«Көршімізбен алыс-беріс,барыс-келіс жыл өткен сайын ілгері басып келеді. Қос мемлекеттің тауар айналымы да қарқын ала бастаған. Қытайдан 40-қу жуық кәсіпкер келді», -деді форумды ұйымдастырушылардың бірі Шәкен Шапаған.
