Тележүргізуші Ләйлә Сұлтанқызы салық төлемей жүр деген айыптауларға жауап берді, еп хабарлайды Тodayinfo ақпараттық порталы.
«Қымбатты оқырманым, әлеуметтік желіде тарап жатқан мына суретті маған жарыса жіберіп жатыр екенсіздер. Өзгелер үшін жауап бере алмаймын. Мен соңғы 5-6 жылда дара кәсіпкер ретінде тіркеліп, заңды түрде салығымды төлеп отырмын. Бірақ бірден айтайын, менің оборотым мына жерде көрсетілген сомаға сай келмейді. Әрі 2023 жылы 10 шілдеде күшіне енген Онлайн-платформалар және онлайн-жарнама туралыҚазақстан Республикасының Заңына сай толығымен жұмыс істеп жатырмын деп сенімді түрде айта аламын. Мен өзім салық, құжат дегендерге бей-жай қарай алмайтын адаммын. Оны көмекшілерім де, заңгерім де, есепшім де (бухгалтер) растай алады. Кәдімгідей қандарын ішем ғой», — деді Ләйлә Сұлтанқызы.
Тележүргізуші атағандай, сондықтан да алдағы уақытта салық органдарына жүгініп, міндетті түрде қайта тексеріс қажет.
«Салықтан ешкім жалтармайды, жалтармауы да тиіс. Ол әлеуметтік саланың бірден-бір қайнар көзі. Жанашырлық танытып жатқан жандарға да алғыс. Алдағы уақытта салық есептелігінің нәтижесімен міндетті түрде бөлісемін. Сосын бар ғой, жақсы білесіздер оқырмандарым көп болған соң, құрбы-құрдас, таныс, дос-жаран, туыстардың кәсібіне ашық жарнама жасап беретінімді. Ниетім біреу ғана — тілеулес жандардың кәсібінің жүргені»,- деді ол.
Козачков тележүргізуші 160 млн табысынан салық төлемегенін жазған еді.
